Fimleikaþing

Fimleikamaður ársins

Valgarð Reinhardsson varð Íslandsmeistari í fjölþraut auk þess sem að hann vann sigur á fjórum áhöldum af sex í keppni á einstölum áhöldum. Hann varð einnig bikarmeistari með liði sínu Gerplu. Valgarð stóð sig vel í alþjóðlegum verkefnum og vann hann meðal annars brons verðlaun á svifrá á Norður Evrópumóti. Einnig komst Valgarð í úrslit í gólfæfingum á heimsbikarmóti í Koper, en hann var einnnig varamaður í úrslit á tvíslá á sama móti. Önnur verkefni sem Valgarð tók meðal annars þátt í voru Evrópuleikarnir í Minsk og heimsbikarmót í Melbourne, Ástralíu.

Lið ársins

Kvennalið Stjörnunnar varð Íslands- og bikarmeistari árið 2019 og varði þar með titilina frá ári áður. Liðið varð í öðru sæti á Norðurlandamótinu sem fram fór í nóvember 2019 og voru hársbreidd frá því að vinna til gullverðlauna. Á norðurlandamótinu fékk liðið hæstu einkunn í gólfæfingum eða 21.575 stig sem er hæsta einkunn sem gefin hefur verið fyrir dans í hópfimleikum hingað til.